Málþing um útikennslu verður haldið á vegum Námshesta að Kúludalsá í Hvalfjarðarsveit miðvikudaginn 29. apríl n.k. og hefst það kl. 14:00. Dugi húspláss á bænum ekki verður fundinn annar staður í grennd og þátttakendur látnir vita í tíma.

Fullyrða má að það sé réttur hvers barns að fá að kynnast náttúru Íslands af eigin raun og læra af henni. Við byggjum afkomu okkar hér á landi á því að samvinna manns og náttúru sé farsæl. Útinám og vettvangsferðir eru í augum margra barna það skemmtilegasta og lærdómsríkasta á skólagöngunni. Hvernig getum við hlúð að og eflt þessa mikilvægu leið til náms og þroska; leið sem stuðlar að náttúruvitund, heilbrigði og þekkingu barna? Hvernig getum við nýtt náttúru og umhverfi sem best til kennslu - og það á tímum erfiðleika í fjármálum þjóðarinnar? Á málþinginu verður fjallað um aðferðir við útikennslu og hvernig hægt er að sinna henni þó kreppi að. Frummælendur á málþinginu verða